အောင်သိန်းဝင်း (ပွင့်ဖြူ)
မြို့လှရွာမှာ ဦးခင်မောင်ဆိုတဲ့ ဟင်းချက်စားဖိုမှူးကြီးရှိတယ်။ သူက အလှူမင်္ဂလာပွဲတွေမှာ ဟင်းချက်ရတယ်။ တစ်နေ့ မင်္ဂလာဆောင်တစ်ခုမှာ ပဲဟင်းချက်ရတယ်။ သူက ပဲဟင်းချက်တဲ့နေရာမှာ လာပြီး-
“ဟေ့... မင်းတို့ပဲဟင်း ရေကျပလား”လို့ လာမေးတယ်။
ပဲဟင်းမွှေနေသူက -
“ဟုတ်ကဲ့ ရေကျပြီဗျ”လို့ပြောတော့ ဇွန်းနဲ့မြည်းပြီး -
“အေး... နည်းနည်းပေါ့သကွ။ ဆားလက်တစ်ဆုပ်လောက်ထပ်ခပ်ပြီး မွှေလိုက်လို့” ညွှန်ကြားတယ်။
ဒီအခါ သူ့ရှေ့မှာ ဆားခပ်ချင်ယောင်ဆောင်ပြီး မွှေပြရင်း -
“မြည်းကြည့်ပါဦး”လို့ ပြောတဲ့အခါ -
“အေး... ခုမှအတော်ပဲကွ၊ ကောင်းတယ်”တဲ့။
ဒို့ကျေးရွာဂျာနယ် အတွဲ (၁၇) အမှတ် (၈)
No comments:
Post a Comment