မင်းခန့်(တာပိန်)
* ရွာကလေးအမည် ကန်သာယာ
စည်ကားလှပေတာ
ရွာကလေးကိုအဝေးမှ
လှမ်းလို့ကြည့်မြင်ရ။
* ကန်ပေါင်ပေါ်က ထုံးစေတီ
အဝေးမှဖူးမြင်သည်
ရပ်ဝေးဆီမှ ခရီးသည်များ
ကန်ပေါင်ဦးမှာနား။
* ဘာသာတရား လေးစားသည်
ဘုန်းကြီးကျောင်းလည်းရှိပါသည်
တရားနဲ့ညီ ဆုံးမစကား
ဆရာတော် သူဟောကြား။
* ရွာမြောက်ဖျားက ရွတ်ဆိုသံ
ကလေးများစာအံ
ခေါင်းလောင်းသံနဲ့ ပညာပေး
ရွာရဲ့ကျောင်းကလေး။
* ဆက်သွယ်ရေးလည်း မခက်ပါ
လမ်းများဖြောင့်ဖြူးတာ
လယ်ယာသီးနှံစိုက်ပျိုးရေး
ရွာရဲ့အသက်မွေး။
* ရိုးရာယဉ်ကျေးမှု စံပြုစရာ
ခြိမ့်ခြိမ့်သဲရှင်ပြုတာ
ရိုင်းပင်းညီညာ ကူညီပေး
သာယာလှတဲ့ရွာကလေး။ ။
ဒို့ကျေးရွာဂျာနယ် အတွဲ (၁၅) အမှတ် (၁၃)
No comments:
Post a Comment